ELITE Group tarixi
2007-yilda ilk marotaba maishiy texnika ishlab chiqarish yo'lga qo'yilib, mini pech ishlab chiqarish boshlandi. 2010-yilda "ELITE" savdo belgisi yaratildi.
2012-yilga kelib korxona zamonaviy asbob-uskunalar bilan jihozlanib, modernizatsiya qilindi
2014-yilda yangi turdagi mini pechlar, 1/2 ta konforkalik kichik gaz va elektro plitalar, alyumin mahsulotlari (manti qasqon, choyniklar) ishlab chiqara boshlandi.
2018-yilga kelib yarim avtomat kir yuvish mashinasi ishlab chiqarish liniyasi ishga tushurildi
2021-yildan boshlab maishiy hamda tijoriy sovutgich ishlab chiqarish boshlandi
Suv isitgich ishlab chiqarish 2023-yildan yo'lga qo'yildi.
Bizning maqsadimiz
ELITE - o'z mahsulotlarini ishlab chiqarishda iste'molchilar xohish istaklarini to'liq qondiruvchi, ularning sifatini yuqori qilishga harakat qiluvchi kompaniyadir. Kundalik hayotingizni yaxshi tomonga o'zgartirish uchun Qulaylik yaratuvchi texnika ishlab chiqarish va yetkazish bizning asosiy maqsadimizdir. ELITE Group mahsulotlari O'zbekiston Respublikasida ishlab chiqariladi.
ELITE - Markaziy Osiyodagi maishiy texnika ishlab chiqaruvchi yirik korxonalardan biri hisoblanadi.

Eksport
Mahsulotlarimizni eksport qiladigan davlatlar soni kengayib bormoqda. Bu ishlab chiqarilayotgan maishiy texnikalarimiz jahon standartlariga javob bera olishiga yaqqol isbotdir. Biz xalqaro bozordagi iste'molchilar uchun ham foydali bo'lishidan juda mamnunmiz.

Ekologiya
Biz bilamizki, maishiy texnikalardan uy sharoitida foydalanishda suv, elektr energiya, kimyoviy moddalar ishlatiladi. Albatta bu holat atrof-muhitga o'z salbiy ta'sirini ko'rsatadi. Bu resurslarni yuqori darajada tejash uchun biz yuqori samaradorlikka ega bo'lgan sifatli mahsulot ishlab chiqaramiz. Iste'molchi va atrof-muhit uchun foydali bo'lsih asosiy vazifalarimizdan biridir.
ELITE o'z mahsulotlarini ishlab chiqarishda ekologik sof materiallar va texnologiyalardan foydalanadi. Atrof-muhitni, tabiatni saqlash, muhofaza qilish yo'lida biz jamiyatimiz oldida mas'uliyatni his qilgan holda energiya tejovchi texnologiyalar, jarayonlardan foydalanamiz. Atrof-muhitni saqlash har birimizning burchimizdir. Salomatligimiz o'z qo'limizda!

Servis
"ELITE" brendi ostida ishlab chiqarilgan barcha mahsulotlar kafolatlangan va 3 yil bepul servisga ega.
"ELITE" mahsulotlariga 3 yil bepul servis xizmati ko'rsatish mahsulot sotib olingan kundan boshlab hisoblanadi. Albatta "Foydalanish bo'yicha qo'llanma"ga rioya etish zarur. Bu sizga mahsulotimizdan uzoq vaqt samarali foydalanishingizga sabab bo'ladi. "ELITE" servis xizmati mutaxassislari mahsulot haqida ma'lumot berishga, nosozlik chiqqan vaqtda ularga xizmat ko'rsatishga har doim tayyor!

Ishlab chiqarish
"ELITE" mahsulotlari iste'molchilarga yetib borishidan oldin bir necha sifat nazorati bosqichlaridan o'tkaziladi. Ishlab chiqarilgan maishiy texnikalarni turli xil sinovdan o'tkazish hamda uning samaradorligini tekshirish, oshirish uchun korxonamizda zamonaviy laboratoriyalar mavjud. Har bir mahsulotning individual tekshiruvidan o'tishi bu iste'molchilarning talabini to'liq qondirishga sabab bo'ladi. "ELITE" jamoasi har bir ishida sifat hamda samardorlikni yuqori o'rinlarda olib boradi.
"ELITE" - maishiy texnika mahsulotlari yuqori sifat darajasiga javob bera oladigan asbob-uskunalardan foydalangan holda zamonaviy texnologiyalar yordamida ishlab chiqariladi.

Mini pechlar
"ELITE" mini pechlari kundalik foydalanish uchun mo'ljallangan. Ushbu jihozlar sevimli taomlaringizni mazali va maromida pishirish hamda ularni isitishga yordam beradigan funksiyalarga ega. Mini pechlarimiz oshxonangiz uchun mos keladi. Negaki, turli o'lcham va ranglar xilma-xilligiga ega bo'lgan mini pechlar keng tanlash imkoniyatini yaratadi.

Gaz plitalar
Qulay va zamonaviy dizaynga ega bo'lgan "ELITE" gaz plitalari sizning oshxonangizga ayni to'g'ri tanlov bo'ladi. Oshxonangizni haqiqiy muhabbat ta'mi bilan to'ldiring. O'zingizning pazandalik asarlaringizni "ELITE" bilan yarating. "ELITE" gaz plitalarining duxovkalari turli xil: gaz, elektr yoki uyg'unlashtirilgan. Duxovkalar o'z navbatida turli funksiyalarni bajarishga moslashtirilgan: gril funksiyasi, havo aylanishi va boshqalar...
Yarim avtomat kir yuvish mashinalari
"ELITE" yarim avtomat kir yuvish mashinalari ishlab chiqarish korxonasini tark etishdan oldin, bir necha bosqichli sifat nazorati testlaridan o'tadi. Bundan yagona maqsad mijozlarimizga eng yuqori sifat va qulaylikni ta'minlash. Endi siz kiyimlaringizdagi dog'lardan qutulishda, ularni "ELITE" brendi ostidagi kir yuvish mashinasiga ishonib topshirishingiz mumkin. "ELITE" kir yuvish mashinasi barcha turdagi kiyimlarni oson va samarali yuvadi. Suvni teng taqsimlash orqali sevimli kiyimlaringiz cho'zilmaydi va shikastlanmaydi.

Sovutgichlar
Zamonaviy texnologiyalar, ekologik sof materiallar bilan ishlab chiqarilgan "ELITE" sovutgichlari turli hajm va ko'rinishga egadir. Bizning sovutgichlarimizning raqobatchi brend sovutgichlaridan ajralib turish sabablaridan biri sovutgich kamerasi hajmi keng hajmga ega bo'lganligidir. Mehnatkash, vatanparvar xalqimizning fayzli ro'zg'ori uchun xarid qilingan kattaroq bozorlikni ham bemalol sig'dira olib, mahsulotlarning sof saqlanishini ta'minlay oladi. "ELITE" sovutgichlari dunyoda yetakchi kompaniyalar kompressorlari bilan jihozlangan bo'lib, past shovqinda ishlabgina qolmay, balki energiya tejamkordir ham.
